Joerie, joerie, botter en brood,
as ek jou kry, slaat ek jou dood

Saturday, October 11, 2014

KANTTEKENINGE

hospitaalsaal eerstelig

vreedsaam hang hy
helder en onverstoord
'n reddende engel
{ aan die haak geslaan }
terwyl ’t lichtet
overal*
onophoudelik en betroubaar
drup’lend ’n dosyn per minuut
sy likiediamant
in klein fontein
wat onverpoosd syfer
deur dunne nawelstring
in die lawastroom
van die lewe
langsaam ledigend
tot hy – verskrompeld
soos die ouderdom-
na stadig sterwe in die nag
 sy stryd gewonne gee:
die opdrag
is volbrag.


interniste

is dit uitsluitlik uit
professionele storm & drang
dat sy dié elektroniese slang
met spuit & skoop
so sonder heersgenade
deur die endel
van my derm druk
en dan verklaar dat alles
dik in orde is
wyl ek maar kerm & kreun
of is dit dalk
net my geluk
en haar suiwer wraak
naywer en/of argwaan & vermaak
wat haar breëbors, hamelstert
vir my laat boet & sweet
oor alles wat sy al eens
van mans moes sluk…

[SEZZ, 24/09/2014]

No comments:

Post a Comment